Dawî...

Destpêk > Nivîs > Gotarên Civakî > Xelkê Şengalê Nakokiyên Siyasî Qibûl Nakin

Xelkê Şengalê Nakokiyên Siyasî Qibûl Nakin
Parvebike!

Xelkê Şengalê Nakokiyên Siyasî Qibûl Nakin

Dema peyva şengal dête guhê min, dîrokek pirr ji nehametî, derdeserî, ferman û gelkujiyê dête hizra min, ew devera bi sedan salane li ber xwe dide pêxemet ol, netewe û axa xwe, şengal her ji kevin de armanca dujminan bû û di dagîrkarî û şerên berdewam de meydana man û nemanê bû, dîrok dîdevane ka çend ferman û gelkujî li şengalê hatine encamdan û ka çawa heya nuha jî perrên dîrokê bi berxwedan û tekoşîna xwe tejî kirine û egerê (sebeba) hemû kuştar û dagirkariyan li ser êzidiyan ol bi pila êkê û netewe bi pila didwê bûn.

Ji ber êzidiyatî her ji dêr zemande ola şengalê bûye lew dibû sedemek were dagîrkirin û ola wan were guherrîn û malumulkê wan bihête talan û wêrankirin, lê şengal mîna kelheka asê û xwedan çiyayekê bi hêz bersiva gişt dagirkaran dide û dastanên pirr ji qehremanî û tekoşînê bi saya qehremanên xwe tomardikirin heya nuha jî navê wan xebatkaran di dîrokê de deng diden û bi xwedan helwîst li qelem diden, di pitiriya qirrkirin, ferman, gelkujî û kuştarên li şengalê qewimîn de mêr rastî kuştinê dibûn û keç û jin di hatine laqekirin (îxtîsabkirin), mal û saman, qub û nîşangehên olî jî rastî wêrankirinê dihatin, hêş birînên sedsaliya fermanên din nehatîne ji bîr kirin mînak (fermana mîrê kor mihemed rewanduzî û fermana bedirxan paşayê botan) bi hevkariya osmaniyan û birînên nû yên peqînên terorî li sîba şêx xidir û gir ozêr li 14 tebaxa 2007 an, terorîstên daîşê û ehlê qetl û kizb û nîfaqê li bin alayê reş û siloganên ellahûekber û ayatên nîkah û qetlûamê li 3 î tebaxa 2014 an de bi ser şengalê de girtin û komkujî pêkanî bi taybet li gundê koço, keç, jin, zarok, pîr û ixtiyar revandin û hemû cunên eşkencedanê digel bikaranîn mînak serbirrîn, lêdan, birrsîkirin, tawanên regezî û derûnî yên wijdan hej û hwd. li ber çavên hemû cîhana guhşorr.

Lê nuha şengal buye qada nakokiyên part û layenên siyasî ji ber vê çendê xelkê wê nikarin derbazî şengalê bibin û di nav nakokî û dijayetiyên wan de bijîn û bibin parek ji wan; li dûv medyayên lokalî pitir ji (15 ) hêzan li şengalê hene û her partek li dûv berjewendiyên xwe lê dimîne û hezdikin şengal bibe parek ji wan, lê hebûna van hêzên dij wê ayîndeya (pêşeroja) xelkê şengalê ber bi aqarekê nadiyar bibe û beydera wê her yek ji aliyê xweve dete bayî, lew xelk van nakokiyan qibûlnaken û hêş birîna şengalê sarrêjnebûye û li hiviya vegerra keç, jin, zarok û ixtiyarên xweye û hêş şengal dayîkek cigersotiye û li benda cigerên xweye ji ber hindê êdî nikare barê nakokiyan helgire û bibe hevparê dijayetiya part û hêzên hemecor.

Bi texmîna min piştî şengal bi temamî were rizgarkirin û azad bibe fere giştpirrsiyeka (referandumeka) taybet ji xelkê wêre were sazkirin û gel birryarê bide kî û çewa şengal were birêvebirin û jiyandin da encamên xerap neyên rûdan û nabe êzidî bi destê hev bihêne kuştin pêxemet nakokiyên wan hêzan , bila jibîr mekeyn şengal birîneke zamdare pêwîstî bi hekîmane nek nakokî û dijberiyan.

Sekar Kamil Osman

29.08.2016


Nûkirina Dawî : 29 Aug 2016 18:42

Şirove

Ji bo vê nivîsê 0 şirove hatine kirin

Şirove bike


Ji bo hun şirove bikin divê hun wekî endam têkevinê.


WEŞANÊN FELSEFEVAN (02) / (PDF)