Metîn Eser
Rêwitiya li ser şop û rêya ya ji derbirîna bîr û boçûnên kesê din re dizê, “xwendin” tê gotin û kêfa min ji vê pêdeçûnê re tê, jê hez dikim û vê pêdeketinê biberdewamî dikim. Car caran rastî çiraçepên kurt û neqebên tenik û bixof têm ku di mêjiyê min de ji fikirînê re dibin sedema teqînên bihêz û giyanê min bi herikîna ava dilxweşiyê tê şuştin. Dibe ku sedemên cur bi cur yê vê rewşê hebin û pirr nêzikî rastiyê bin, yan ji ber ku tenê dilê min xweş dike, yan jî ez ser û binî bûme ku her tiştî li ber çavên min di dewsa rastiyê de ne.